ජාත්‍යන්තර ටයිම් සඟරාව මගින් ලෝකයේ විශිෂ්ඨතම පුද්ගලයින් තේරීමේ සමීක්ෂණයට අනුව ජනාධිපති මහින්ද රාජපක්ෂ මහතා මේ වන විට සිව්වන ස්ථානයට පැමිණ තිබේ.
ලෝකයේ දිශානතිය වෙනස් කිරීම සඳහා බලපෑමක් කළ හැකි පුද්ගලයින් මෙහිදී ජනමත සමීක්ෂණයට ලක් කෙරෙයි. දේශපාලනය, කලාව, ආදී සෑම අංශයකින්ම කැපී පෙනෙන පුද්ගලයින් මෙහිදී ජනතාවගේ කැමැත්ත‍ට ලක්වන බව සඳහන්වේ.
ජාත්‍යන්තර ටයිම් සඟරාව මගින් වාර්ෂිකව මෙවැනි සමීක්ෂණයක් සිදුකෙ‍රෙන අතර එමගින් විශිෂ්ඨතම පුද්ගලයින් සිය‍දෙනෙකු නම් කිරීමට නියමිතය. මෙවර මෙම ජනමත සමීක්ෂණය අප්‍රේල් 21 වැනිදා තෙක් සිදුකෙරෙයි.
මේ වන විට එම සමීක්ෂණයට අනුව අමෙරිකාවේ ජනාධිපති බැරක් ඔබාමා 46 වන ස්ථානයේ ද සෝනියා ගාන්ධි සිය වන ස්ථානයේ ද පසුවෙයි. කෙසේවෙතත් අප්‍රේල් 21 වැනිදායින් පසුව ලෝකයේ විශිෂ්ඨතම පුද්ගලයින් සිය දෙනා ටයිම් සඟරාව මගින් ප්‍රකාශයට පත්කිරීමට නියමිතව ඇත.
එහිදී ජනමත සමීක්ෂණයෙන් ලද ප්‍රතිඵලයට අමතරව ටයිම් සඟරාවේ කතෘ මණ්ඩලයේ නිර්දේශය මත පුද්ගලයින් සිය දෙනා තෝරාගැනෙනු ඇති බව සඳහන් වේ..
No comments:
Post a Comment